Анлайн-перакладчык «Народны слоўнік»
Запусцілі праект 18 снежня 2017 года
«Народны слоўнік» – гэта анлайн-перакладчык між беларускай, ангельскай і расейскай мовамі.
Чаму народны? Усё таму, што грунтуецца на народным слове і, як кажуць аўтары слоўніка, «складзены людзьмі, якія не змарнавалі цалюткае жыцьцё навукай». Каштоўнасць і ўнікальнасць слоўніка ў тым, што пры перакладзе на беларускую мову запазычаным словам прапаноўваецца беларускі («больш беларускі») адпаведнік.
Нашай задачай было распрацаваць вэб-прыкладанне, з дапамогай якога карыстальнікі змогуць максімальна зручна рабіць пераклады.
Рэалізацыя
Першае, што бачыць карыстальнік, калі адкрывае анлайн-перакладчык – гэта радок уводу. Яго мы стылізавалі пад кніжную паліцу.
Побач з радком уводу карыстальнік можа выбраць мову, на якую будзе ажыццяўляцца пераклад: беларуская, расейская ці ангельская. Сэрвіс робіць пераклад у двух кірунках. Так, напрыклад, калі карыстальнік выбраў варыянт «Bel⇄Rus», сэрвіс перакладзе слова як з расейскай на беларускую мову, так і з беларускай на расейскую.
Пад радком уводу размясцілі слайдэр са спасылкамі на праекты аднаго з аўтараў «Народнага слоўніка».
Для карыстальнікаў, у якіх на кампутары не ўстаноўлена беларуская мова, прадугледзелі віртуальную клавіятуру. На смартфонах і планшэтах замест віртуальнай клавіятуры проста дабавілі сімвалы, якіх няма ў рускай раскладцы.
Пры ўводзе слова для перакладу, наведвальнік можа скарыстацца падказкамі, якія паказваюцца ў радку.
Вынікі перакладу з’яўляюцца пад радком уводу. Тут карыстальнік можа знайсці варыянты перакладу слова з разбіўкай па часцінам мовы і сферам ужывання. Калі слова, якое трэба перакласці, пішацца аднолькава на абедзвюх мовах, сэрвіс прапаноўвае пераклад у абодвух кірунках.
Каб карыстальнікам было прасцей знайсці адпаведны варыянт перакладу, увялі блок, у якім можна праглядваць суседнія па слоўніку словы.
Калі карыстальнік ведае альтэрнатыўны варыянт перакладу, ён можа прапанаваць яго з дапамогай спецыяльнай формы.
Карыстальнікі могуць упісваць у радок уводу словы з арфаграфічнымі памылкамі ці памылкамі друку. Каб палегчыць пошук перакладу па такім словам, дабавілі блок «Магчыма, Вы мелі на ўвазе», у якім паказваюцца блізкія па гучанню словы. Для пошуку такіх слоў выкарыстоўвалі алгарытмы невыразнага пошуку: Metaphone, вылічэнне адлегласці Левенштэйна і алгарытм Олівера. Спачатку пошук падобных слоў адбываецца на беларускай мове. Калі падобныя словы не знойдзены, пошук працягваецца на расейскай ці ангельскай мовах.
Словы, па якім пераклад не знайшоўся, захоўваюцца ў базе дадзеных.
Аўтары «Народнага слоўніка» зацікаўлены ў пастаянным паляпшэнні якасці перакладу. Каб заказчык мог разумець, наколькі карыстальнікі задаволены вынікамі перакладаў, дабавілі блок ацэнак.
Заказчык можа праглядваць статыстыку ацэнак па кожнаму слову ў абсалютных і адносных велічынях.
Вэб-прыкладанне адаптыўнае, таму ім аднолькава зручна і прыемна карыстацца як з кампутараў, так і з мабільных прылад.
«Народны слоўнік» – сэрвіс, які стварылі людзі, неабыякавыя да беларускай мовы і культуры. І мы вельмі рады, што сталі часткай гэтага праекта. Працаваць над вэб-прыкладаннем было цікава і вельмі прыемна.
Гатовы праект
slownik.server.iquadart.by