Сайт для юрыдычнай кампаніі REVERA
Запустили проект 31 ліпеня 2020 года
REVERA – самая буйная юрыдычная кампанія Беларусі. Юрысты REVERA адзначаны міжнароднымі даведнікамі, а сама кампанія займае топавыя пазіцыі ў міжнародных юрыдычных рэйтынгах.
REVERA аказвае паслугі па вялікай колькасці кірункаў. Было важна, каб на новым сайце патэнцыяльныя кліенты маглі хутка і проста арыентавацца ў паслугах кампаніі.
Таксама трэба было расказаць пра праекты кампаніі і пазнаёміць патэнцыяльных кліентаў з камандай REVERA.
Кампанія рэгулярна праводзіць семінары і канферэнцыі. Таму яшчэ адной задачай было стварыць зручны інструмент для прэзентацыі мерапрыемстваў і рэгістрацыі ўдзельнікаў.
Дызайн і галоўная старонка
За REVERA замацавалася рэпутацыя надзейнай кампаніі, якая безупынна ўдасканальваецца і развіваецца. Гэты вобраз мы пастараліся перадаць з дапамогай сучаснага мінімалістычнага дызайну.
На сайце выкарысталі спакойныя колеры і выразныя лініі. Дапоўнілі дызайн невялікімі анімацыямі, якія дапамагаюць стварыць прыемнае ўражанне ад узаемадзеяння з сайтам.
Адмалявалі сэт мінімалістычных іконак і падтрымалі імі тэкставы кантэнт.
Раздзел «Экспертыза»
У гэтым раздзеле расказваем пра паслугі кампаніі. Паслугі можна шукаць як па кірунках, так і па галінах – каму як зручней. Раздзел дапаўняем перавагамі REVERA, якія рэлевантныя таму ці іншаму кірунку/галіне.
Раздзел «Праекты»
Расказваем пра праекты, якія рэалізавала REVERA. Так жа як і спецыялістаў, праекты можна шукаць як па кірунках, так і па галінах.
Падрабязна пазнаёміцца з асобным праектам можна на старонцы кейса праекта. Тут карыстальнік можа даведацца пра дэталі праекта і каманду, якая рэалізавала гэты праект, перайсці да падобных праектаў.
Раздзел «Каманда»
Тут патэнцыяльны кліент можа пазнаёміцца з камандай REVERA. З дапамогай фільтра можна даведацца, па якіх кірунках працуе той ці іншы спецыяліст. Таксама шукаць адваката/юрыста можна і па галінах.
Канструктар лэндынгаў
Распрацавалі канструктар лэндынгаў для старонак:
- асобнай паслугі;
- асобнага спецыяліста;
- асобнага мерапрыемства.
Прадумалі знешні выгляд тэкставых блокаў, блока водгукаў, блока праектаў, слайдэраў, блока рэгістрацыі на мерапрыемства, блока праграмы і многіх іншых.
Камбінуючы гэтыя блокі, адміністратар сайта можа ствараць старонкі, якія будуць найбольш гібка адпавядаць задачам кампаніі. Пры гэтым як бы не камбінаваліся блокі, дызайн выглядае цэласным і бясшвовым.
Старонка мерапрыемства
Дзякуючы канструктару лэндынгаў стварылі зручны інструмент для прэзентацыі навучальных мерапрыемстваў, якія рэгулярна праводзіць REVERA.
Ствараць старонку мерапрыемства можна з такіх блокаў, як «Праграма», «Спікеры», «Рэгістрацыя», «Найбліжэйшыя мерапрыемствы», «Генеральныя партнёры», «Водгукі» і многіх іншых. Вось прыклад таго, як можа выглядаць структура старонкі мерапрыемства:
Раздзел «Кар'ера»
REVERA безупынна расце і развіваецца, таму ў кампаніі пастаянна зацікаўлены ў новых спецыялістах. REVERA шукае як прафесіяналаў, так і таленавітых студэнтаў, таму для кожнай групы супрацоўнікаў стварылі асобную старонку.
Мікраразметка і AMP
Зрабілі на сайце мікраразметку Schema.org. Такая мікраразметка дапамагае выгадна вылучыць сніпет сайта на фоне канкурэнтаў у пошукавай выдачы Google, Яндэкс і іншых папулярных пошукавых сістэм. Нагадаем, што сніпет – гэта невялікі блок інфармацыі пра сайт, які з’яўляецца ў рэзультатах пошуку.
Дзякуючы Schema.org сніпет сайта можа займаць больш месца і быць больш інфарматыўным у параўнанні з суседнімі рэзультатамі выдачы, дзе няма мікраразметкі. Такое візуальнае паляпшэнне сніпета у сваю чаргу паляпшае яго клікабельнасць. За кошт павышэння клікабельнасці, мікраразметка можа таксама аказваць ускосны станоўчы ўплыў на месца сайта ў пошукавай выдачы.
Для старонак асобных праектаў і старонак асобных артыкулаў зрабілі Accelerated Mobile Pages (AMP). AMP дазваляе старонкам хутчэй загружацца на мабільных прыладах. Гэта адбываецца за кошт таго, што Google кэшыруе старонку. У рэзультатах пошуку AMP-старонкі адзначылі маланкай.
Сайтам зручна карыстацца як з дэсктопаў, так і са смартфонаў і планшэтаў.
Гатовы праект
revera.by