PWA для інтэрнэт-крамы кантактных лінзаў Linzmarket
Запусцілі праект 11 траўня 2020 года
Linzmarket.by – інтэрнэт-крама кантактных лінзаў і сродкаў па доглядзе за імі.
Распрацавалі для інтэрнэт-крамы прагрэсіўнае вэб-прыкладанне ці Progressive Web Application (PWA).
Цяпер, дзякуючы PWA, карыстальнікі могуць устанавіць сайт інтэрнэт-крамы на смартфон і карыстацца ім як мабільным прыкладаннем.
Як гэта працуе
Карыстальнік адкрывае сайт Linzmarket на смартфоне і праз 5 секунд бачыць банер з прапановай устанавіць прыкладанне.
Банер паказваецца карыстальнікам, пачынаючы з другога наведвання сайта. Пяцісекундны трыгер і нумар візіту — гэта параметры, якія мы вызначылі самастойна. У цэлым жа яны могуць быць і іншыя. Напрыклад, іншы часавы інтэрвал ці пэўнае дзеянне, дапусцім, пераход на пэўную старонку сайта.
Карыстальнік згаджаецца на спампоўванне, і прыкладанне ўстанаўліваецца на смартфон. Гэта адбываецца ўміг, таму што ў адрозненне ад класічнага мабільнага прыкладання, PWA вельмі лёгкае: важыць не больш за 50 Мб. Часцей — менш за 1 Мб.
Ёсць яшчэ адзін круты момант: каб устанавіць PWA, карыстальнікам Linzmarket не патрэбна ісці ў Google Play ці App Store. Прыкладанне спампоўваецца адразу на сайце.
На рабочым экране смартфона з’яўляецца іконка інтэрнэт-крамы.
Так устаноўка PWA інтэрнэт-крамы выглядае на Android. Крыху іншая гісторыя з iOS. Айфоны пакуль блакіруюць з'яўленне банера з прапановай устанавіць PWA. Каб устанавіць прыкладанне, уладальнікам айфонаў патрэбна зайсці ў меню браўзера і націснуць кнопку «Add to Home Screen.
Пасля ўстаноўкі прыкладанне інтэрнэт-крамы даступна карыстальнікам у адзін клік. PWA адкрываецца без інтэрфейса браўзера, хоць на самой справе працуе праз браўзер Chrome.
Старонкі, якія наведаў карыстальнік, запісваюцца ў памяць браўзера. Дзякуючы гэтаму, пакупнікі могуць карыстацца сайтам нават пры кепскім інтэрнэт-злучэнні ці пры яго поўнай адсутнасці — старонкі з кэша працягваюць быць даступнымі.
Таксама ў рэжыме афлайн можна рабіць пакупкі. Пасля таго, як пакупнік аформіў заказ, з’яўляецца паведамленне пра тое, што карыстальнік знаходзіцца афлайн. Пры гэтым прыкладанне захавае даныя пра пакупку і самастойна адправіць у краму, як толькі з’явіцца інтэрнэт. А значыць пакупніку не патрэбна чакаць, калі з’явіцца сетка, і паўторна праходзіць усе крокі па афармленні заказу.
Дзякуючы PWA інтэрнэт-крама можа адпраўляць Push-паведамленні. Linzmarket выкарыстоўвае паведамленні ў першую чаргу для апавяшчэння пакупнікоў аб статусе заказу. Такім чынам push-паведамленні дапамагаюць краме эканоміць на смс-рассылцы.
Таксама Linzmarket выкарыстоўвае Push-паведамленні, каб нагадваць сваім кліентам пра сканчэнне тэрміну нашэння лінзаў. Такія паведамленні прыносяць карысць як самім пакупнікам, так і краме, паколькі дапамагаюць стымуляваць паўторныя заказы.
З дапамогай Push-паведамленняў можна таксама рассылаць рэкламныя паведамленні. Напрыклад, расказваць пра акцыі ці скідкі. У гэтым выпадку паведамленне будзе складацца з загалоўка, сціслага апісання і спасылкі. А значыць пакупніка можна весці на канкрэтную старонку інтэрнэт-крамы.
Важны момант: айфоны пакуль блакіруюць адпраўку push-паведамленняў.
Яшчэ адна перавага, якую атрымаў Linzmarket дзякуючы PWA — гэта хуткасць працы. PWA працуе значна хутчэй за сайт. Гэта адбываецца дзякуючы таму, што многія даныя кэшыруюцца пры першай загрузцы прыкладання.
Паколькі PWA для Linzmarket мы запусцілі зусім нядаўна, у нас яшчэ няма інфармацыі, адлюстраванай у лічбах, пра тое, якую карысць прагрэсіўнае прыкладанне прынесла краме. Аднак, як толькі даныя з’явяцца, мы абавязкова падзелімся імі ў працягу кейса.
Падрабязней пра асаблівасці і перавагі прагрэсіўных вэб-прыкладанняў расказваем тут: pwa.iquadart.by.
Гатовы праект
linzmarket.by/by