Лэндынг для кампаніі HMD Trucking
Запусцілі праект 13 верасня 2021 года
HMD Trucking — адна з самых хуткарослых транспартных кампаній у Чыкага.
Распрацавалі для для HMD Trucking лэндынг, каб прыцягваць кіроўцаў у кампанію.
Тракавым кампаніям у ЗША не хапае кіроўцаў грузавікоў, таму яны пастаянна канкурыруюць за работнікаў і выдаткоўваюць значныя бюджэты на іх прыцягненне.
Было важна стварыць сайт, дзе максімальная колькасць кіроўцаў захоча пакінуць свае кантактныя дадзеныя для наступнай сувязі з рэкруцёрам.
Аналітыка
Перад пачаткам праектавання мы прааналізавалі існуючыя сайты HMD Trucking і вывучылі паводзіны карыстальнікаў. Гэты аналіз дапамог выявіць вузкія месцы і даведацца, якой інфармацыяй кіроўцы цікавяцца найбольш.
Вось што мы выявілі:
- Кіроўцы актыўна вывучаюць інфармацыю пра тракі і каманду: як тэкставую, так і фота. Яны ўважліва разглядаюць машыны, твары людзей і іншыя дэталі.
- Асаблівую ўвагу кіроўцы надаюць блоку з прыкладамі заробкаў.
- Карыстальнікі актыўна чытаюць водгукі іншых кіроўцаў пра працу ў HMD Trucking.
- На смартфоне, даскроліўшы да канца, карыстальнікі не заўважаюць, што старонка завершана, таму працягваюць скроліць яшчэ некалькі секунд. Гэта можа сведчыць пра магчымы недахоп інфармацыі.
- Мабільным карыстальнікам даводзіцца доўга скроліць старонку туды-назад, каб параўнаць умовы розных вакансій.
На аснове гэтай інфармацыі мы сфарміравалі структуру лэндынга: прадумалі змест блокаў і іх паслядоўнасць. Таксама падрыхтавалі першаснае заданне для капірайтара па стварэнні кантэнту для сайта.
Праектаванне і дызайн
Пры праектаванні і дызайне сайта быў ужыты падыход Mobile First, паколькі большасць карыстальнікаў заходзіць на сайт са смартфонаў.
Зручная навігацыя
на новым сайце забяспечылі зручную навігацыю для параўнання ўмоў вакансій са смартфона.
Дэсктопная версія
А вось так лэндынг выглядае на вялікіх экранах.
У блоку Truck Driving Jobs We Offer мы апавядаем патэнцыйнаму супрацоўніку пра вакансіі і прапануем пакінуць кантакты для далейшай сувязі з рэкруцёрам.
Аналіз паказаў, што кіроўцы надаюць асаблівую ўвагу інфармацыі з прыкладамі заробкаў. Таму тым, хто пакуль не гатовы пакідаць кантакты, мы прапануем паглядзець, колькі яны могуць зарабляць.
Клікнуўшы на See how much you can make, карыстальнік пераходзіць да блока, дзе можа ўбачыць, колькі зарабілі лепшыя кіроўцы HMD Trucking у мінулым месяцы, а таксама азнаёміцца з калькуляцыяй заробку.
Ніжэй прапануем кіроўцу пакінуць кантакты і далучыцца да HMD Trucking.
Аналіз паказаў, што кіроўцы актыўна цікавяцца інфармацыяй пра тракі, якія прапануе кампанія. Аўтапарк HMD Trucking складаецца на 90% з легендарных Peterbilt 579 і Peterbilt 567, прычым усе машыны не старэйшыя за 3 гады.
Расказваем пра гэта на сайце і дэталёва паказваем тракі, апісваем іх асноўныя асаблівасці. Блок дапамагае карыстальніку ўявіць сябе ў ролі кіроўцы HMD Trucking.
Коратка расказваем пра каманду і паказваем кіроўцаў HMD Trucking на фота.
Дабаўляем блок з водгукамі. Большасць водгукаў прадстаўлена ў фармаце відэа, дзе кіроўцы HMD Trucking апавядаюць пра працу ад першай асобы. Гэты фармат дазваляе павысіць давер патэнцыйнага супрацоўніка да кампаніі.
Фотасесія
Якасны фотакантэнт адыгрывае вялікую ролю ў дызайне сайта. Распрацавалі для фатографа падрабязны брыф, дзе апісалі тэхнічныя моманты, стыль і настрой фатаграфій, падабралі рэферэнсы.
Фінальныя фатаграфіі атрымаліся менавіта такімі, як мы і задумвалі.
Гатовы праект
www.hmdtrucking.com