Прывітанне!
Каманда «Іквадарт» шукае праект-менеджэра, працаваць з якім будзе прыемна і цікава :-)
Што патрэбна будзе рабіць?
Эфектыўна кіраваць вэб-праектамі:
- распрацоўваць і падтрымліваць план праекта;
- кіраваць бюджэтам і рызыкамі праекта;
- складаць праектную дакументацыю;
- кіраваць камандай;
- камунікаваць з кліентамі.
Менеджэру IT-праектаў важна:
- ведаць тэхналогіі, якія выкарыстоўваюцца пры распрацоўцы сайта, прынцыпы юзабіліці. Адсочваць трэнды, пастаянна падтрымліваць веды ў актуальным стане;
- ведаць метадалогіі кіравання IT-праектамі і ўмець іх выкарыстоўваць;
- добра размаўляць на ангельскай мове (Upper-Intermediate і вышэй);
- умець планіраваць працоўны час;
- умець лагічна разважаць;
- быць самастойным і адказным;
- любіць камунікаваць з людзьмі, развіваць эмацыянальны інтэлект.
Крыху пра нас
У нас лінейныя адносіны. Ты не сустрэнеш ні начальніка, ні дырэктара ў класічным разуменні. Ёсць рабяты з большым ці меншым багажом ведаў у розных галінах. У цябе будуць настаўнікі. Яны падзеляцца сваім вопытам. Не перажывай, калі ў цябе няма дастатковага вопыту кіравання праектамі. 90% спецыялістаў студыі прыходзілі да нас «сырымі» і адточвалі майстэрства ўжо ўнутры каманды.
Мы стараемся рабіць крутыя прадукты, і нам здаецца, гэта ў нас атрымліваецца.
Калі ты адчуваеш, што мы можам быць карысныя адзін аднаму – адпраўляй расказ пра сябе. У пісьме раскажы пра сваю любімую кнігу.